اَج سِک مِتراں دی ودھیری اے
کیوں دِلڑی اُداس گھنیری اے
لُوں لُوں وِچ شوق چنگیری اے
اَج نیناں لائیاں کیوں جھڑیاں​
الطیف سری من طلعتہ
والشذ و بدی من وفرتہ
فسکرت ھنا من نظرتہ
نیناں دِیاں فوجاں سر چڑھیاں​
مُکھ چند بدر شعشانی اے
مَتّھے چمکدی لاٹ نُورانی اے
کالی زُلف تے اَکھ مستانی اے
مخمُور اکِھیں ہِن مَدھ بھریاں​
دو ابرُو قوس مثال دِسّن
جیں تھیں نوک مژہ دے تِیر چھٹن
لبّاں سُرخ آکھاں کہ لعل یمن
چِٹّے دند موتی دِیاں ہِن لڑیاں​